वर्मास्तुती

काव्य  पिळोणिया | काढिले हे सारं | पेलवेना भारं | तिच्यामारी,

सांगा तरी आम्ही | किती मारू ट्राय | झेपतच नाय | आज्याबात

कैसी पचवावी | वेदांताची पेंडी | रेड्याच्याही तोंडी | फेस यावा

सुरु केला कोणी | जीवन प्रवास | द्यावी एक त्यास | थोतरीत

मृगजळा पाठी | धावोन फुकाचं | मेंदूस उगाचं | शॉट द्यावा

कसले समास | नाही आदमास | मारिले वृत्तास | फाट्यावर 

यमकांचे गावी | जाहला सुकाळु | शब्दांचे जंजाळु | फैलावले

बंध चारोळीचे | लावितो वेदांस | कैसी या बेन्द्र्यास | बुद्धी नसे